History of "Rocking Star" Yash in Tamil-கன்னட சினிமாவின் முகம் "ராக்கிங் ஸ்டார்" யாஷின் வரலாறு தமிழில்

 "அரசியலில் யார் நல்லவர்களோ, அவர்கள் எந்த கட்சியை சார்ந்தவர்களாக இருந்தாலும் அவர்களுக்கு என்னுடைய ஆதரவு உண்டு என்றும் , தனிப்பட்ட முறையில் இந்தக் கட்சிக்கு தான் என் ஆதரவு என்று இல்லை எனவும், மக்களுக்கு நல்லது செய்யும் அரசியல்வாதிகள் எந்தக் கட்சியில் இருந்தாலும் நான் அவர்களை ஆதரிப்பேன் என்பததான் என் நிலைப்பாடு எனக்கூறினார். "

கே.ஜி.எப் தொடர்கள்:

இந்த சூழ்நிலையில் தான் கன்னட சினிமாவை புரட்டிப் போட காத்திருந்த இயக்குனர் பிரசாந்த் நீலுக்கு அறிமுகமானார் யாஷ். தன்னுடைய பொருளாதார தேவைக்காக திரைப்படங்கள், ஆவணப்படங்களை இயக்கி கொண்டிருந்தார் இயக்குநர் பிரசாந்த் நீல். இந்த நிலையில் தான் யாஷ் இவருடன் கைக்கோர்த்தார். கே.ஜி.எப் படத்தின் கதையை யாஷிடம் கூறத் தொடங்கினார் பிரசாந்த். அவர் கூறியக் கதையின் கோலார் தங்க சுரங்கம் ஒரு சிறு பகுதியாகவே இடம்பெற்றிருந்தது. அந்த சிறு பகுதியின் அழுத்தத்தை புரிந்துக் கொண்ட யாஷ், கதையை கே.ஜி.எப் லிருந்து தொடங்கும் படியாக மாற்ற முடியுமா? எனக் கேட்டுக்கொண்டார். கன்னட சினிமாவை உலகத் தரத்திற்கு எடுத்து செல்ல வேண்டும் எனும் வேட்கையுடன் காத்துக்கொண்டிருந்தார் பிரசாந்த் நீல். அதே வேட்கையுடன் சரியான நேரத்திற்காக காத்துக்கொண்டிருந்த யாஷூம் இணைந்ததால் இந்த அணி பாய்ச்சலுக்கு தயாரானது. கட்டுக்கடங்காத இந்த வேட்கைக்கு காரணமாக இருந்தது, அவர்களின் மொழி மற்றும் மாநிலப்பற்று தான். இந்த நேரத்தில் தான் பாகுபலி எனும் பிரம்மாண்டமான திரைப்படம் திரைக்கு வந்து வெற்றிநடைப் போட்டுக்கொண்டு இருந்தது. இந்தப் படத்தை உத்வேகமாக எடுத்துக் கொண்ட கே.ஜி.எப் குழுவினர் , இந்தியாவின் பொருளாதாரத்தை உயர்த்த பக்க பலமாக இருந்த  கோலார் தங்க வயலில் ஆங்கிலேயர் காலம் முதல் அது மூடப்பட்ட நாள் வரை உழைத்தவர்களில் 99 சதவீதம் பேர் தமிழர்கள் தான். ஆனால் இந்த எந்த உண்மையும் கற்பனைப் படமான கே.ஜி.எப்ல் பேசப்படவில்லை. ஆனால் ஒவ்வொரு ரசிகர்களுக்குள் இருக்கும் ஹீரோயிசத்தை தங்களுடைய  கதையம்சத்தாலும் , பிரம்மாண்ட காட்சியமைப்பாலும் , ஒரு நவீன சாம்ராஜ்ஜியத்தை ரசிகர்களின் மனதிற்குள் புகுத்தி  இன்று இந்திய சினிமாவில் தவிர்க்க முடியாத இடத்தை பிடித்திருக்கின்றனர் கே.ஜி.எப் குழுவினரும், நாயகன் யாஷூம். தன்னுடைய பிம்பத்தால் கே.ஜி.எப் எனும் சினிமா சாம்ராஜ்ஜியத்தை கட்டி எழுப்பிய  யாஷ், அந்த பிம்பத்தை தானே உடைக்க வேண்டிய கட்டாயத்திற்கு தள்ளப்பட்டுள்ளார்.அப்போது தான் அவரால் வேறு ஒரு பரிணாமத்தில் இரசிகர்கள் முன் தோன்ற முடியும்.